> Actualidade

15/06/2021 10:09

> ÁBRESE O PRAZO DE SOLICITUDE PARA PARTICIPAR NA INICIATIVA DESEÑANDO O TEU FUTURO

Na foto, estadía na empresa Ben Alonso SL

Deseñando o teu futuro é unha iniciativa promovida polo Concello de Outeiro de Rei destinada a mozos e mozas do municipio con idades comprendidas entre 16 e 18 anos que lles permite aproximarse ao ámbito socio-laboral facilitándolles unha experiencia durante 5 días nalgunha das empresas do municipio que colaboran con este proxecto.

As persoas participantes, mediante a realización de tarefas acordadas coa empresa, e sempre baixo supervisión dunha persoa responsable, poderán adquirir unha serie de competencias, habilidades e cualificacións que complementen o seu desenvolvemento persoal e formación.

Esta iniciativa está previsto que se desenvolva do día 6 ao día 10 de setembro; de luns a venres se realizarán as estadías na empresa seleccionada e a iniciativa complementaranse coa realización o día 13 dunha visita, previsiblemente, ao viveiro empresarial da Fundación CEL en Lugo; neste caso, o desprazamento será organizado polo Concello de Outeiro de Rei e realizarase en autocar.
O resto de desprazamentos á empresa seleccionada correrán a cargo dos participantes que recibirán a tal fin unha axuda de 20 €/día de asistencia; esta axuda tamén será de aplicación ao día da visita.

Non obstante, cando un participante por razón excepcionais e xustificadas non poida asistir durante toda a xornada, a cantidade a percibir será de 10 €. A redución do horario na xornada a realizar na empresa deberá ser autorizado polo Concello de Outeiro de Rei e obedecerá a circunstancias que se consideren xustificables (basicamente, realización de exames ou temas de saúde). Como máximo, e sempre de acordo coa empresa, se autorizarán dúas incidencias durante o período de execución do programa, non permitíndose ningunha estancia en empresa inferior a dúas horas. Cando se produza este suposto (non poder asistir máis de dúas horas), o interesado/a non poderá acudir á empresa e non terá dereito á compensación económica por ese día.

O número de prazas que se ofertan para participar en DESEÑANDO O TEU FUTURO VII é de 20 que serán cubertas por orde de inscrición, momento no que as persoas interesadas deberán seleccionar a empresa de realización das estadías; o prazo de solicitude estará aberto do día 21 de xuño ao luns 5 de xullo podendo inscribirse ben presencialmente no Servizo de Emprego e Desenvolvemento local do Concello de Outeiro de Rei en horario de 9:00 h a 15:00 h ou chamando ao 982 393 382.

Calquera empresa do municipio que o desexe pode acoller moz@s, a tal efecto deberá contactar co Concello para ser informado e achegar os seus datos. Na presente edición as empresas colaboradoras que ofertan prazas para as estadías son:

  • ÁREA 507

  • AVIFAUNA

  • BEN ALONSO, S.L.

  • D10 CENTRO DEPORTIVO

  • FULGENCIO CASÁS LOMBAO

  • GARATUXA

  • IDEA ALMACÉN DE PAPELERÍA

  • LASERLUCUS

  • PAN DO MANUEL

  • PAN E PANADERÍA OUSÁ, S.L.

  • PAULINO CARRAL MÉNDEZ

  • TRANSFORMACIONES AGRÍCOLAS E FORESTAIS MANUEL ÁNGEL

  • XARDINERÍA SANTA ISABEL




Concello de Outeiro de Rei
Praza do Concello, núm. 1 - 27150 Outeiro de Rei
Telfs: 982393281 / 982393055 Fax: 982 393 112
Diseño web de Lugonet
 
Esta web utiliza cookies para analizar e mellorar os seus servizos, continuar coa visita supón a súa aceptación. Información sobre o uso de cookies .