> Actualidade

29/04/2021 07:14

> MULTIVAVENTURA EN VIVEIRO

A Oficina de Información Xuvenil de Outeiro de Rei abre o prazo de solicitude do MULTIVAVENTURA EN VIVEIRO que está previsto se desenvolva do 28 ao 30 de xuño para rapaces e rapazas de 1º a 4º da ESO.

Ao ser limitado o número de prazas (20), estas cubriranse por rigorosa orde de inscrición (terán preferencia os rapaces empadroados no concello con respecto aos de fóra).

O prazo para anotarse permanecerá aberto do 3 ao 31 de maio ou ata cubrir prazas; a cota de inscrición é de 50 €, que deberá aboarse sempre antes de rematar o prazo de solicitude.

Está previsto que as persoas participantes realicen unha viaxe ao parque acuático de Cerceda e practiquen actividades deportivas coma surf, tirolesa etc.

A realización desta actividade ou a posible modificación da mesma queda supeditada a posibles imprevistos que poidan xurdir pola situación sanitaria da Covid-19.

É obrigatorio o uso de máscara.

Os participantes virán durmir a casa todos os días.

Poden reservarse as prazas ou recibir máis información nas oficinas municipais da Casa da Cultura de 10:00 h a 14:30 h ou chamando ao 982 393 408.




Concello de Outeiro de Rei
Praza do Concello, núm. 1 - 27150 Outeiro de Rei
Telfs: 982393281 / 982393055 Fax: 982 393 112
Diseño web de Lugonet
 
Esta web utiliza cookies para analizar e mellorar os seus servizos, continuar coa visita supón a súa aceptación. Información sobre o uso de cookies .