> Actualidade

03/06/2019 10:19

> NAVES DISPOÑIBLES NO VIVEIRO INDUSTRIAL

O Concello de Outeiro de Rei informa que actualmente hai dúas naves de 65 m2 cada unha delas dispoñibles no Viveiro Industrial de Outeiro de Rei.

O obxectivo fundamental desta infraestrutura é facilitar o nacemento de novas empresas de carácter industrial ofrecendo as condicións e servizos precisos para a implantación inicial e a consolidación das mesmas. Tamén poden obter espazo no viveiro empresas industriais de recente creación, constituídas nun prazo inferior aos 6 meses desde a data de solicitude de admisión.

O tempo de permanencia nestas instalacións será de doce meses, estando prevista a posibilidade de prorrogar este prazo de estancia por motivos extraordinarios por un período máximo doutros doce meses (no primeiro caso, o custe do arrendamento e gratuíto e durante o tempo de prórroga o custe de arrendamento é de 1 €/m2).

Pódese acadar máis información os martes en horario de 10:00 h a 14:00 h nas propias instalacións do viveiro sitas no Parque Empresarial de Outeiro de Rei- Rúa do Acivro,2 ou no tfno. 982 399 908.


Concello de Outeiro de Rei
Praza do Concello, núm. 1 - 27150 Outeiro de Rei
Telfs: 982393281 / 982393055 Fax: 982 393 112
Diseño web de Lugonet
 
Esta web utiliza cookies para analizar e mellorar os seus servizos, continuar coa visita supón a súa aceptación. Información sobre o uso de cookies .