> Actualidade

15/05/2019 06:47

> ABERTO O PRAZO DE INSCRICIÓN NO PROGRAMA DE FORMACIÓN DE CREACIÓN E CONSOLIDACIÓN DE EMPRESAS

O Concello de Outeiro de Rei colabora coa Fundación INCYDE na posta en marcha dun programa denominado Programa de Formación de Creación e Consolidación de Empresas.
O obxectivo do programa é proporcionar unha visión global das distintas áreas funcionais da empresa para poder determinar oportunidades de mercado e desenvolver un plan de empresa que favorezca a súa posta en funcionamento.

O curso terá unha duración de 7 semanas, das cales 6 serán exclusivamente clases teóricas e 1 semana adicada a clases prácticas. Dentro das sesións formativas existen tanto sesións de formación conxunta (un día á semana), accións de consultoría individualizada para o alumnado e mentorización e acompañamento dos participantes para a creación do seu negocio.

A data de inicio do curso está prevsita para o día 3 de xuño e o lugar de celebración do mesmo será o Viveiro Industrial do Concello de Outeiro de Rei situado na Rúa Acibro, 2 do parque empresarial .

Este programa formativo é totalmente gratuito. A inscrición ao mesmo pode realizarse dende a web www.incyde.org. Pódese solicitar información adicional ou consultar dúbidas no servizo de Emprego e Desenvolvemento Local do Concello de Outeiro de Rei ou no 982 393 281.

- Descargar calendario

Concello de Outeiro de Rei
Praza do Concello, núm. 1 - 27150 Outeiro de Rei
Telfs: 982393281 / 982393055 Fax: 982 393 112
Diseño web de Lugonet
 
Esta web utiliza cookies para analizar e mellorar os seus servizos, continuar coa visita supón a súa aceptación. Información sobre o uso de cookies .