> Actualidade

01/02/2013 11:00

> O CONCELLO ABRE O PRAZO DE INSCRICIÓN NAS ACTIVIDADES DE PROMOCIÓN DA MULLER PREVISTAS PARA O PRIMEIRO SEMESTRE DESTE ANO

Hoxe tivo lugar a presentación das Actividades de Promoción da Muller 2013 nun acto presidido polo alcalde, José Pardo Lombao, acompañado da concelleira de Servizos Sociais, Mª José Martínez Vigo e persoal técnico do Concello de Outeiro de Rei.

A 13ª edición desta tradicional programación oferta a través de 7 actividades un total de 140 prazas; tamén hai outras actividades, entre elas a iniciativa Percorrendo Outeiro de Rei ou a celebración do Día da Muller Traballadora, que son iniciativas abertas ao público en xeral polo que a participación prevista é maior.

Realizada a presentación, quedou aberto o prazo de inscrición ata o día 22 de febreiro para as seguintes actividades:

- AQUAFITNESS (Ximnasia na auga)
- INFORMÁTICA BÁSICA (word, internet e correo electrónico)
- DE FEIRA Á FEIRA DO FERRO DE RIOTORTO
- ELABORACIÓN DE CONSERVAS E MARMELADAS

O curso de Informática Básica está aberto á participación dos homes; o resto de actividades citadas van dirixidas ás mulleres aínda que se rematado o prazo de inscrición quedan prazas libres, estas poderán ser cubertas por homes.
Igualmente, durante a presentación informouse que este ano, coincidindo co Día Internacional da Muller o profesor José Ramón Meilán disertará sobre a dor de costas en nen@s, adultos e maiores.

Pódese acadar máis información ou realizar as inscricións na Casa da Cultura de Outeiro de Rei ou no tfno.: 982 393 408.

- DESCARGAR O PROGRAMA DE ACTIVIDADADES DE PROMOCIÓN DA MULLER 2013

- ACCEDER AO PROGRAMA DE ACTIVIDADADES DE PROMOCIÓN DA MULLER 2013


« Volver
Presentación | Descrición | Historia | Turismo | Servizos municipais | Novas | Axenda | Ocio | Empresas | Vivenda | Teléfonos | Buzón | Emprego | Listas | Inicio
Concello de Outeiro de Rei
Praza do Concello, núm. 1 - 27150 Outeiro de Rei
Telfs: 982393281 / 982393055 Fax: 982 393 112
Diseño web de Lugonet
 
Esta web utiliza cookies para analizar e mellorar os seus servizos, continuar coa visita supón a súa aceptación. Información sobre o uso de cookies .